Բժշկական համալսարանում Հոգեկան առողջության պահպանման ազգային կենտրոնի տնօրեն Նարեկ Վանեսյանի հետ կապված միջադեպից նոր մանրամասներ են հայտնի դարձել ArmDay.am-ին:
Մեր տեղեկություններով՝ Բժշկական համալսարանում իրականությունը խեղաթյուրել են և որպեսզի այդ մասին ապացույցներ չհայտնվեն, առանց ժամանակ կորցնելու, ռեկտոր Արմեն Մուրադյանի հրամանով՝ ջնջել են այն տեսագրությունը, որը կատարվել է նիստերի դահլիճում, որտեղ և տեղի է ունեցել հանդիպումը:
ArmDay.am-ի մեկ այլ տեղեկությունով՝ Նիկոլ Փաշինյանին,Արսեն Թորոսյանին և Արայիկ Հարությունյանին ուղղված բաց նամակի տակ ստորագրած պրոֆեսորադասախոսական կազմի անդամների մեծամասնությունը ներկա չեն գտնվել հանդիպմանը, սակայն ստորագրել են նամակի տակ:
Բանն այն է, որ Առողջապահության նախարարի պաշտոնակատար Արսեն Թորոսյանը գլխավոր մասնագետի պաշտոնից զրկել է մի քանի աշխատակցի, ինչն էլ վերջիններիս և նախարարի պաշտոնակատարի միջև լարվածության առիթ է դարձել և նրանք Թորոսյանի հետ հաշվեհարդար տեսնելու առիթը բաց չեն թողնում:
Բժշկական համալսարանի ռեկտոր Արմեն Մուրադյանն ու դասապրոֆեսորական կազմը Նարեկ Վանեսյանին Արսեն Թորոսյանի հովանավորյալն է համարում: Նշենք նաև, որ Բժշկական համաալսարանի աշխատակազմի մեծամասնությունը ՀՀԿ-ականների, նախկին իշխանավորների և Ռեկտոր Մուրադյանի հովանու ներքո են գործում:
Հիշեցնենք, որ Արսեն Թորոսյանը անդրադարձել էր սկանդալային միջադեպին:
