Հայաստանում ՌԴ դեսպանատունը եւս այսօր խոնարհել է ՌԴ պետական դրոշը՝ ի հիշատակ «Սուրմալու» առեւտրի կենտրոնում օգոստոսի 14-ին տեղի ունեցած պայթյունի հետեւանքով զոհերի։
Խոնարհված դրոշի լուսանկարը հրապարակվել է ՌԴ դեսպանատան տելեգրամի էջում՝ հետեւյալ գրությամբ. «Սգում ենք եղբայրական հայ ժողովրդի հետ միասին»։
«Փաստինֆո»-ի հաղորդմամբ՝ պայթյունի հետեւանքով ունենք 16 զոհ, եւս 2 քաղաքացի համարվում է անհետ կորած։ Գործադիրի որոշմամբ Հայաստանում երկօրյա սուգ է հայտարարվել, Արցախի նախագահը եւս՝ Արցախի տարածքում սուգ է հայտարարել օգոստոսի 17-ին եւ 18-ին։
Այսօր վաղ առավոտից քաղաքացիներն այցելել են պայթյունի վայր ու խոնարհել ծաղիկներ, մոմեր վառել։
