«Այս իրավիճակում Թուրքիայի հետ բանակցությունները նման են ինքնասպանության»․ Շարմազանով


«Այս իրավիճակում Թուրքիայի հետ բանակցությունները նման են ինքնասպանության»․ Շարմազանով
Հունվար 14 19:54 2022

Էդուարդ Շարմազանովը ֆեյսբուքյան իր էջում գրում է․ «Այս իրավիճակում Թուրքիայի հետ բանակցությունները նման են ինքնասպանության։

Ամիսներ առաջ կապիտուլյանտ ռեժիմի ղեկավարը հարեւան Վրաստանի միջոցով հանդիպում էր «մուրում» թուրքերից։

Այնուհետեւ նշեց, որ Թուրքիայից ստանում է «դրական ազդակներ»։

Եվ դա այն դեպքում, երբ թուրքական «բայրաքթարներն» ընդամենը 1 տարի առաջ հազարավոր հայորդիների զոհաբերման պատճառ դարձան։

Այսօր էլ պաշտոնական Անկարան բոլոր հնարավոր միջոցներով սատարում է Ադրբեջանի հանցագործ ռեժիմին։

 

Հայաստանի «իշխանությունն» իր հերթին փաստացի «ձեռքերը լվացել» է Արցախից, հրաժարվում է Շուշին ու Հադրութը օկուպացված համարել եւ մոռացության է տվել պահանջատիրության պայքարը։

Նման իրավիճակում հայ-թուրքական «բանակցությունները» չեն կարող սպասարկել Հայաստանի ու հայության շահերը։

Այն բացառապես թուրքական օրակարգի մաս է եւ կարող է հանգեցնել հերթական ու վերջնական կապիտուլյացիայի»։



loading...