Պորտուգալիայի հավաքականի եւ Թուրինի «Յուվենտուսի» հարձակվող Կրիշտիանու Ռոնալդուին է պատկանում Instagram-ի ամենաթանկ օգտահաշիվը: Ըստ BBC- ի հրապարակած վիճակագրության` սոցցանցում մեկ հրապարակման համար ֆուտբոլիստը ստանում է մոտ 1,35 միլիոն եվրո:
«Instagram»-ի ամենաթանկ օգտատերերի ցանկում է նաև Բարսելոնայի հարձակվող և Արգենտինայի ազգային հավաքականի հարձակվող Լիոնել Մեսսին: Արգենտինացին մեկ հրապարակման համար ստանում է 0.93 միլիոն եվրո և ցուցակում յոթերորդն է:
Հիշեցնենք, որ 2021 թվականի փետրվարին Կրիշտիանու Ռոնալդուն դարձավ առաջին մարդը, ով սոցիալական ցանցերում ունեցավ 500 միլիոն բաժանորդ:
