Ազգային ժողովն այսօր իր արտահերթ նիստում քննարկում է «Էրեբունի-Երեւանի հիմնադրման 2800-ամյակի եւ Հայաստանի առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» նախագիծը:
Նիստից առաջ Ազգային ժողովի մուտքի մոտ բողոքի ակցիա է սկսվել. ցմահ դատապարտյալների հարազատներն ու ընկերները հավաքվել են եւ պահանջում են, որ համաներումը տարածվի նաեւ ցմահ ազատազրկվածների վրա։
