Երևանի կենդանաբանական այգու տոմսերը թանկացել են

Երևանի կենդանաբանական այգու մուտքի տոմսերը հուլիսի 1-ից թանկացել են։ Այգուց մանրամասնում են, որ փոփոխությունը հնարավորություն կտա ընդլայնել այգու գործունեության ծավալները, ապահովել կենդանիների համար առավել բարեկեցիկ պայմաններ և շարունակաբար բարձրացնել այցելուներին մատուցվող ծառայությունների որակը։

Նոր սակագները՝

 Երկուշաբթի օր

3 - 69 տարեկան այցելուներ - 1,000 դրամ

Երեքշաբթիից կիրակի

3 - 69 տարեկան այցելուներ - 2,000 դրամ

Այգուց հիշեցնում են, որ Երևանի կենդանաբական այգում շարունակում են գործել անվճար մուտքի արտոնությունները մի շարք սոցիալական խմբերի համար, այդ թվում՝

• Մինչև 3 տարեկան երեխաների,

• 70 և բարձր տարիքի անձանց,

• Հաշմանդամության կարգ ունեցող անձանց,

• Ռազմական գործողությունների հետևանքով զոհված անձանց ընտանիքի անդամների,

• Մանկատներում և հատուկ խնամքի կենտրոններում հաշվառված անձանց,

• Սահմանամերձ բնակավայրերի բնակիչների,

• Սոցիալական աջակցություն ստացող անձանց համար։

Բացի երկուշաբթի օրվանից՝ երեքշաբթիից կիրակի օրերին կարող եք օգտվել հետևյալ զեղչերից՝

Միաժամանակ 11 և ավելի անձից բաղկացած խմբերի համար գործում է ընդհանուր արժեքից 5% զեղչ

Դպրոցի, մանկապարտեզների և զարգացման կենտրոնի սաների այցելության դեպքում համապատասխան տեղեկանքի առկայության պարագայում կիրառվում է յուրաքանչյուր անձի համար 70% զեղչ

Անվճար մուտքից կամ զեղչից օգտվելու համար անհրաժեշտ է ներկայացնել համապատասխան կարգավիճակը հաստատող փաստաթուղթ։