«ԿԸՀ ներկայացուցիչներն ամեն կերպ փորձեցին շրջանցել մի շատ պարզ հարց։ Մի շատ պարզ հարցի ձևակերպման պարագայում կտեսնեինք, որ իրենց կողմից պետք է վերաքվեարկությունը նշանակվեր»,- ՍԴ-ում հունիսի 7-ին կայացած ԱԺ հերթական ընտրությունների արդյունքները վիճարկող 7 քաղաքական ուժերի դիմումների հիման վրա միացված գործի քննության ընդմիջմանը լրագրողներին ասաց ՍԴ-ում ԲՀԿ ներկայացուցիչ Էլինար Վարդանյանը։
Ըստ նրա, ստացվում է՝ հունիսի 7-ի ընտրությունից հետո տվյալները սխալ մուտքագրելու արդյունքում, նախնական արդյունքների ամփոփման ժամանակ հայտարարվում է՝ ԲՀԿ-ն չի հաղթահարել 4 տոկոս շեմը, մինչդեռ 4 տոկոս շեմը չհաղթահարելը պարզապես իրենց կողմից սխալ թվերը ներմուծելու հետևանք է։
«Եթե նախնական արդյունքների արձանագրության մեջ ֆիքսվեր՝ ԲՀԿ-ն հաղթահարել է 4 տոկոս շեմը, այդ դեպքում ԿԸՀ-ն ընտրատեղամասերի արդյունքներն անվավեր ճանաչելուց հետո պե՞տք է նշանակեր վերաքվեարկություն։ Իհարկե, պետք է նշանակեր։
Ստացվում է՝ ԿԸՀ-ն, իմ գնահատմամբ, դիտավորյալ չի ներմուծել տվյալները, որպեսզի հետագայում մանևրելու հնարավորություն ունենա»,- ասաց Է. Վարդանյանը։
Մանրամասն՝ տեսանյութում։
