«Մենք երկու պահանջ ունենք՝ անվավեր ճանաչել ընտրության արդյունքները, այդ դեպքում ողջ Հայաստանում վերաքվեարկություն է լինելու, եթե ամբողջ Հայաստանում վերաքվեարկություն չեղավ, պետք է լինի մանդատների բախման նոր կարգ»,- ՍԴ-ում հունիսի 7-ին կայացած ԱԺ հերթական ընտրությունների արդյունքները վիճարկող 7 քաղաքական ուժերի դիմումների հիման վրա միացված գործի քննության ընդմիջմանը լրագրողներին ասաց ՍԴ-ում ԲՀԿ ներկայացուցիչ, փաստաբան Արամ Օրբելյանը։
Նա նշեց, որ մանդատների բաշխման նոր կարգով ՍԴ-ն որոշելու, որ ԲՀԿ-ն, քանի որ հաղթահարել է 4 տոկոսի շեմը, կստանա համապատասխան քանակով մանդատներ՝ 5 մանդատ, համապատասխանաբար ՔՊ-ից կպակասի 3 մանդատ, 1 մանդատ կամ «Ուժեղ Հայաստան» դաշինքից, կամ «Հայաստան» դաշինքից։
«Այդ 5 մանդատը հնարավորություն է տալիս ԲՀԿ- ի պատգամավորներին 58 հազար 500 քաղաքացիների ձայնը, ովքեր վստահել ու տվել են քվե, լսելի դարձնել քաղաքական դաշտում»,- ասաց Օրբելյանը։
Մանրամասն՝ տեսանյութում։
