Էլեկտրական ավտոմեքենաները ազատված կլինեն Երևանի կենտրոնում կայանելու համար տուրքերից։ Այդ մասին Երևանի քաղաքապետարանում «կարմիր գծերի» վճարն ավելացնելու հետ կապված հանրային լսումների ընթացքում հայտնել է Երևանի փոխքաղաքապետ Սուրեն Գրիգորյանը․ «Դա արվում է այն տրամաբանությամբ, որպեսզի խրախուսենք էլեկտրական տրանսպորտով մարդկանց երթևեկելը»։
Քաղաքապետարանի տրանսպորտի վարչության պետի պաշտոնակատար Վազգեն Հարությունյանն իր հերթին նշել է, որ սակագնի չափը որոշվել է՝ հաշվի առնելով միջազգային փորձը:
Հիշեցնենք՝ առաջարկվել է 2024 թվականի հունվարի 1-ից մայրաքաղաքի կենտրոնում (Երևան քաղաքի «Ա» գոտում) ավտոկայանատեղիում (կարմիր գծեր) կայանելու համար վճարը սահմանել տարեկան 160 000 դրամ, իսկ կենտրոնից դուրս՝ (Երևան քաղաքի «Բ» գոտի) 24 000 դրամ։
