Ռուսաստանի հայերի միության նախագահ Արա Աբրահամյանի՝ ԱՄՆ կատարած աշխատանքային այցի շրջանակում մի շարք հանդիպումներ են տեղի ունենում ինչպես հայ համայնքի, այնպես էլ Միացյալ Նահանգների հասարակական-քաղաքական և գործարար շրջանակների ներկայացուցիչների հետ։
Հունվարի 17-ին Լոս Անջելեսում տեղի է ունեցել Արա Աբրահամյանի և Burlington Capital-ի ղեկավար, գործադիր տնօրեն Լիզա Ռոսկինսի (Լիզա Յ. Ռոսկենս) հանդիպումը:
Հանդիպման ժամանակ քննարկվել են երկկողմ հետաքրքրություն ներկայացնող հարցեր, որոնցից առաջնահերթությունների թվում են երկու համատեղ հիմնադրամի գործունեությունը՝ բժշկության և գյուղատնտեսության ոլորտում ժամանակակից տեխնոլոգիաների ներդրումը, ինչպես նաև Հայաստանում ժամանակակից ուռուցքաբանական կլինիկայի և բժշկական անձնակազմի և մասնագետների վերապատրաստման կենտրոնի կառուցումը, որը համապատասխանելու է միջազգային բոլոր չափանիշներին:
