Արմավիրում ծեծի ենթարկված աշակերտը նորմալ վարքի տեր երեխա է: Նրա անունը կռիվների հետ չի կապվում: Այս մասին ArmDay.am-ի հետ զրույցում ասաց Նալբանդյան դպրոցի տնօրեն Տիգրան Գևորգյանը:
«Զարմանում եմ, թե ինչպես են նրան ծեծել: Ռոլանդը հաղթանդամ տղա է, նա արդեն երեխա չէ, շուտով բանակ պիտի գնա: Դասամիջոցին հարձակվել են վրան ծեծի ենթարկել: Մինչ այս կողմերի ծնողների միջև խոսակացույթուն էր եղել, ժողով հրավիրեցինք, խոսեցինք այդ մասին, բայց հետո որոշել են շարունակել»,-ասաց տնօրենը:
Ոստիկանությունը դեպքի մասին ահազանգ է ստացել: ArmDay.am-ի հետ զրույցում Ոստիկանությունից հայտնեցին, որ հետաքննություն է կատարվում:
Միջադեպին պատահաբար ներկա է գտնվել Նալբանդյանի համայանքապետ Գրիգոր Մկրտչյանը,ով էլ տուժածին առաջին օգնություն է ցուցաբերել:
Այս պահին Ռոլանդ Շավարշյանը հետազոտվում է Հանրապետական հիվանդանոցում: Նա գլխի ու քթի կոտրվածքներ ունի, մարմնին սալճարդեր կան:Հավանաբար նաև դանակի հարվածներ է ստացել:
Ավելի վաղ հայտնել էինք, որ Արմավիրի մարզում մոտ 40 հոգով աշակերտի են ծեծի ենթարկել:
