Որպես կանոն, ոչ ոք այդպես հեշտությամբ չի հանձնվում: Անդրադառնալով Սերժ Սարգսյանի եղբորորդու՝ Նարեկ Սարգսյանի արտահանձնման գործընթացին՝ Այս մասին այսօր ԱԺ-ում լրագրողների հետ ճեպազրույցում ասաց ՀՀ գլխավոր դատախազ Արթուր Դավթյանը։
«ՀՀ երրորդ նախագահ Սերժ Սարգսյանի եղբորորդու՝ Նարեկ Սարգսյանի արտահանձնման գործընթացն ընթացքի մեջ է, հայկական կողմն ուղարկել է անհրաժեշտ փաստաթղթերը և սպասում է պատասխանի»,–ասաց նա:
Դավթյանի խոսքով ՝արտահանձնման հարցը տարբեր նրբություններ ունի և այս ձգձումները անհանգստանալու առիթ չեն:
Դատախազը նշեց, որ դեպքեր եղել են, երբ արտահանձնելու գործընթացը մեկ տարի է տևել:
Հիշեցնենք, որ Նարեկ Սարգսյանը, ով գտնվում էր միջազգային հետախուզման մեջ հայտնաբերվել է 2018թ. դեկտեմբերի 6-ին Պրահայում՝ որպես Ֆրանկլին Գոնսալես:
