Ռուսական էլիտան հաշտվել է այն մտքին, որ Վլադիմիր Պուտինը իշխանությունում կմնա նաև 2024-ից հետո, իսկ փոփոխությունները, ինչպես հայտնի է, Ռուսաստանում անխուսափելիորեն կազդեն Հայաստանի հետ հարաբերությունների վրա: Այս մասին լրագրողների հետ հանդիպմանն ասաց Երեւանի մամուլի ակումբի նախագահ Բորիս Նավասարդյանը։
«Ռուսաստանի հետ հարաբերությունների այլընտրանք Երևանը չունի, և այլ դիվիդենդներ Հայաստանն այս միությունից չի քաղի։ Ռուսաստանի հետ հարաբերությունները պետք է լինեն ԵՏՄ-ում Հայաստանի անդամակցության «մեխը»։ Եթե մեզ հաջողվի, քիչ թե շատ, հաջող զարգացնել այդ հարաբերությունները, ապա մնացած խնդիրները՝ կապված, մասնավորապես, ՀԱՊԿ գլխավոր քարտուղարի ընտրության հետ, մեզ չպետք է հուզեն, քանի որ Ռուսաստանից բացի Երևանն այդ կազմակերպությունում այլ դաշնակիցներ չունի»,- նշել է Նավասարդյանը։
Նավասարդյանը նշեց, որ Ռուսաստանում սոցիալ-տնտեսական իրավիճակի վատթարացման հետ կապված՝ նախագահի վարկանիշն ընկնում է։
«Փոփոխությունները Ռուսաստանում անխուսափելիորեն կազդեն Հայաստանի հետ հարաբերությունների վրա, սակայն դրան արդեն պետք է հանգիստ արձագանքել»,- ասաց նա:
