Գյումրիի Մոր և մանկան ավստրիական հիվանդանոցում հինգ ամսական երեխա է մահացել։
Դատախազության հանրային կապերի բաժնի պետ Արևիկ Խաչատրյանը հաստատեց տեղեկությունը՝ նշելով,որ դեպքի մասին իրավապահներին հայտնել է մահացած երեխայի հայրը.
«Քաղաքացին դիմել է իրավապահներին՝ նշելով, որ նշված բժշկական կենտրոնում մահացել է իր դուստրը։ Հայրը դիմել է իրավապահներին՝ բժիշկներին մեղադրելով անփութության մեջ»։
Արևիկ Խաչատրյանը հայտնեց, որ Շիրակի մարզի դատախազությունը ՀՀ քննչական կոմիտեին հանձնարարել է նյութեր նախապատրաստել փաստի առթիվ։
