Նոյեմբերի 11-ին՝ ժամը 01:21-ին, «911» ծառայությանն ահազանգ է ստացվել, որ Երևան ՋԷԿ-ի մոտակայքում՝ դեպի հանրակացարաններ տանող ճանապարհին, այրվում է ավտոմեքենա:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ:
Պարզվել է, որ հրդեհը բռնկվել է Արցախի պողոտայի և Արին-Բերդի փողոցի խաչմերուկում:
Հրդեհը մեկուսացվել է ժամը 01:37-ին, մարվել՝ 01:47-ին:
Ամբողջությամբ այրվել է ‹‹Opel Astra G›› մակնիշի ավտոմեքենան (վարորդը՝ Լ. Ս., ծնված 1998 թ.): Տուժածներ չկան:
