Նախկին նախագահ Սերժ Սարգսյանի եղբոր՝ Ալեքսանդր Սարգսյանի գույքի նկատմամբ ԱԱԾ քննչական վարչության որոշմամբ կալանք է դրվել դեռևս հուլիսի 9-ին: Այսօր այս մասին «Ազատությանը» հայտնեցին Գլխավոր դատախազության լրատվական ծառայությունից:
«2018 թվականի հուլիսի 9-ին ՀՀ ԱԱԾ քննչական վարչությունում քննվող քրեական գործով վարույթն իրականացնող մարմնի որոշմամբ մեղադրյալ Ա.Ս.-ի գույքի վրա դրվել է կալանք՝ քրեական գործով հնարավոր քաղաքացիական հայցը, գույքի հնարավոր բռնագրավումն ապահովելու համար: Քրեական գործով նախաքննությունը շարունակվում է»,- նշված է դատախազության հաղորդագրությունում, որում, սակայն, չի մասնավորեցվում, թե ինչ քաղհայցի մասին է խոսքը:
ԱԱԾ լրատվական ծառայությունից էլ «Ազատությանը» փոխանցեցին, որ հարուցված քրեական գործի շրջանակում իրականացվում են քննչական և դատաիրավական բնույթի գործողություններ, որոնց մասին լրացուցիչ տեղեկություն կտրվի:
Մանրամասն՝ սկզբնաղբյուր կայքում
