Դատարանը քննում է Մասիսի քաղաքապետի կալանավորման ժամկետը երկարաձգելու միջնորդությունը

Երևանի ընդհանուր իրավասության դատարանում դատավոր Մնացական Մարտիրոսյանի նախագահությամբ քննվում է Մասիսի քաղաքապետ Դավիթ Համբարձումյանի նկատմամբ խափանման միջոց ընտրված կալանավորման ժամկետը երկարացնելու վերաբերյալ միջնորդությունը:

Մեղադրյալ Դավիթ Համբարձումյանը հրաժարվել է ներկայանալ դատական նիստին:

Այս մասին ֆեյսբուքյան իր էջում գրառում է արել Մասիսի քաղաքապետի պաշտպան Տիգրան Աթանեսյանը.

«Դավիթ Համբարձումյանը հրաժարվել է դատական նիստին ներկայանալուց, քանի որ նիստը նախագահում է Մնացական Մարտիրոսյանը։ Փաստաբաններս ամեն դեպքում գտնում ենք, որ նիստին մասնակցելը ճիշտ է»: