Մայր Աթոռ Սուրբ Էջմիածնի դիվանապետ Արշակ արքեպիսկոպոս Խաչատրյանից լրագրողներն այսօր հետաքրքվեցին՝ պատրաստվո՞ւմ է հակընդդեմ հայց ներկայացնել, պահանջել իրեն վերագրվող կեղծ տեսանյութի տարածման հերքում, ինչին ի պատասխան՝ Արշակ արքեպիսկոպոս Խաչատրյանը նշեց․
«Ես բացարձակ վստահություն չունեմ Հայաստանում գործող արդարադատության համակարգի նկատմամբ և չեմ կարծում, որ իմ նկատմամբ վստահությունը դատարանի որոշումով պետք է վերականգնվի։
Հանրային ընկալումների մեջ ես տեսնում եմ այդ վստահությունը և լիարժեքորեն բավարարված եմ, ուստի առայժմ ձեռնպահ կմնամ այդ ուղղությամբ որևէ քայլ ձեռնարկել։
Փորձաքննության արդյունքները եկել են, հանրային լայն շրջանակների համար ամեն ինչ պարզ է»։
