Հարցված երևանցիների 84 %-ը բացասական է գնահատել Երևանում տրանսպորտի գնի փոփոխությունը. GALLUP

Հարցված երևանցիների 68,7 տոկոսը ընդհանրապես բացասական է գնահատել Երևանում տրանսպորտի գնի փոփոխությունը, 15,2 տոկոսը՝ ավելի շուտ բացասական. լրագրողների հետ հանդիպմանը արդյունքները ներկայացրեց «GALLUP International Association»-ի Հայաստանում լիիրավ անդամ «Էմ Փի ՋԻ» ՍՊԸ տնօրեն Արամ Նավասարդյանը։

Տրանսպորտի գնի թանկացումը լիովին դրական է գնահատել հարցվածների 2 տոկոսը, իսկ ավելի շուտ դրական՝ 11,4 տոկոսը։