«Սովորիր ոչ մեկին ոչինչ չպատմել». Բեռնարդ Շոուի իմաստության դասերը

Ջորջ Բերնարդ Շոուն՝ իռլանդացի դրամատուրգ, քննադատ և պոլեմիստ, հայտնի էր իր ածելիի պես սուր լեզվով, խելքով, իմաստությամբ, ազնվությամբ և խելամիտ դիտողությամբ: Նա ուշագրավ կարողություն ուներ բարդ մտքերը հակիրճ և հիշվող մեջբերումների վերածելու։

1. «Մենք դադարում ենք խաղալ, ոչ այն պատճառով, որ ծերանում ենք. մենք ծերանում ենք, քանի որ դադարում ենք խաղալ»:

Այս մեջբերումը հիշեցնում է, որ ոչ լուրջ, ժիր, թեթևակի մանկական ոգու պահպանումը կյանքի եռանդը պահպանելու և մշտական ​​անձնական աճի բանալին է:

Ինչո՞ւ ենք մենք դադարում խաղալ և հաճույք ստանալ պարզ զբաղմունքներից, երբ մեծանում ենք: Ինչո՞ւ ենք դադարում հետաքրքրություն ցուցաբերել կյանքի և շրջակա իրականության նկատմամբ: Մենք այնքան կլանված ենք մեր կյանքով և աշխատանքով, որ առաջնահերթություններ չենք դնում նրանում, ինչ մեզ համար կարևոր է:

Լավ է, երբ քո մեջ երեխա է բնակվում:

Մանուկ հասակում Ձեզ դո՞ւր է եկել լողալը, արշավը կամ ճոճվելը: Սիրո՞ւմ էիք նկարել, պարել կամ երգել։ Ուրեմն ինչո՞ւ դադարեցիք դա անել հիմա:

Հիշեք, որ խաղն ու սիրելի զվարճանքը պարտադիր չէ, որ նպատակ ունենան: Դրա հիմնական նպատակն է ստանալ հաճույք, երջանկություն այն ամենից, ինչ սիրում եք անել։

Այսպիսով, եթե կարդում եք սա, մարտահրավեր նետեք ձեզ ամեն օր ավելի շատ հաճույք ստանալու ձեր խաղերից, ամպերին նայելուց, ձեր սիրած զբաղմունքներից և դուրս գալ և ավելի շատ խաղալ:

2. «Չարիքներից ամենամեծը և հանցագործություններից ամենածանրը՝ աղքատությունն է»:

Ինչպես նշում է Բեռնարդ Շոուն, աղքատությունը սարսափելի չարիք է և ամենասարսափելի հանցագործությունը, որի մեջ մարդը կարող է ներգրավվել։ Աղքատությունը միշտ կապված է անօգնականության, հիվանդության և անարդարության հետ: Եվ այո, կան շատ դժվար իրավիճակներ, որոնցում մարդը կարող է հայտնվել, բայց մեր ուժերի սահմաններում է ամեն ինչ անել զոհի վիճակից դուրս գալու և աղքատությունը հաղթահարելու, ինքներս մեզ, մեր մտածողությունը զարգացնելու, սովորելու և նոր հմտություններ ձեռք բերելու համար։ Դա կօգնի մեզ կյանքում:

3. «Մարդիկ միշտ մեղքը բարդում են հանգամանքների ուժի վրա։ Ես չեմ հավատում հանգամանքների ուժին։ Այս աշխարհում հաջողության է հասնում միայն նա, ով փնտրում է իրեն անհրաժեշտ պայմանները, եթե դրանք չի գտնում, ինքն է ստեղծում դրանք»։

Այս մեջբերումն արտացոլում է Շոուի հավատը վճռականության և նախաձեռնության ուժի նկատմամբ՝ ընդգծելով հնարավորություններ ակտիվորեն փնտրելու կարևորությունը, այլ ոչ թե սպասելու, որ դրանք պատահականորեն հայտնվեն:

4. «Իդեալական ամուսինն այն տղամարդն է, ով կարծում է, որ իդեալական կին ունի»:

Բեռնարդ Շոուն ընդգծում է, որ իդեալական ամուսինը ոչ միայն այն տղամարդն է, ով սիրում է իր կնոջը, այլ նաև այն տղամարդը, ով գիտի հարգել և գնահատել նրան որպես մարդ։ Իդեալական ամուսինն իր կնոջը չի համեմատում այլ կանանց հետ և չի ակնկալում նրանից անհնարինը, նա պարզապես ընդունում է նրան այնպիսին, ինչպիսին կա, համարում է կատարյալ և գնահատում է նրան դրա համար։ Ամուսնու և կնոջ միջև իդեալական հարաբերությունն այնն է, երբ յուրաքանչյուրը հարգում և գնահատում է մյուսին: Այսպիսով, իդեալական ամուսնության մեջ ամուսինն ու կինը աջակցում են միմյանց և ընդունում են միմյանց այնպիսին, ինչպիսին կան:

5. «Սիրեք տղամարդկանց. Նրանք իսկապես ձեր սիրո կարիքն ունեն: Նույնիսկ եթե նրանք երբեք չեն խոստովանում դա: Յուրաքանչյուր մեծագույն տղամարդու հետևում միշտ կա մի կին, ով հավատում էր նրան: Եվ իսկապես սիրում էր նրան»:

6. «Առանց փոփոխության անհնար է առաջընթացը, իսկ նրանք, ովքեր չեն կարող փոխել իրենց կարծիքը, չեն կարող ոչինչ փոխել»:

Այստեղ Շոուն ընդգծում է հարմարվողականության և նոր գաղափարներ ընդունելու պատրաստակամության կարևորությունը՝ ենթադրելով, որ աճն ու առաջընթացը գալիս են լայնախոհությունից, հորիզոններն ընդլայնելու, փոխելու, տարբեր տեսակետներ փնտրելու կարողությունից: Այնքան կարևոր է ոչ թե ապացուցել միայն սեփական տեսակետն ու իրավացիությունը, այլ լսել, թե ինչ են ասում մեզ ուրիշները։ Ի վերջո, եթե որոշ մարդիկ հայտնվում են մեր կյանքում և մեզ առաջարկում են նոր հնարավորություններ, այլ տեսակետ, գուցե նրանք պատահական չեն մեր կյանքում։

Ավելին՝ այստեղ