Բանակից բոլորին հանելը եւ ոչ մեկին չպնլեը երկու ծայրահեղ մոտեցումներ են: Այս մասին NEWS.am-ի հետ զրույցում նշեց ԱԺ «Իմ քայլը» խմբակցության պատգամավոր Հովիկ Աղազարյանը:
Մեղադրանքին, թե այս իշխանությունը բանակից հեռացնում է փորձառու զինվորականներին, Հովիկ Աղազարյանն ասաց, որ երկու ծայրահեղ մոտեցում կա. «Մեկն ասում է, բոլորին պետք է հանեիք, նորերին բերեիք, մյուսն էլ ասում է՝ ոչ մեկին պետք չի ձեռք տալ: Բոլորին հանելն անհնար է, որովհետեւ այդ գործընթացում այնքան սխալներ թույլ կտաս, որովհետեւ այնտեղ կան այնպիսի զինվորականներ, որ յուրաքանչյուր բանակի կարող են զարդարել: Բայց մյուս կողմից դու չես կարող ոչ մեկին չպնես, մարդկանց, որոնք թերացել են: Դա պրոցես է: Հիմա եթե Խաչատուրովը այնպիսի հրամանատար է եղել, որ չի ծնել 10 նոր Խաչատուրով, ուրեմն ինքը վատ հրմանատար է եղել: իսկ եթե ծնել է 10 նոր Խաչատուրով, ուրեմն նրանցից մեկը կլինի իր տեղը»:
