Հունիսի 26-ին վիճաբանություն է տեղի ունեցել Երևանում։ Տեղեկություն է ստացվել, որ Դավիթաշեն 4-րդ փողոցում վիճաբանություն է, և կողմերը միմյանց վրա քարեր են նետում։ Քիչ անց տեղեկություն է ստացվել, որ Վահագնի թաղամասի մոտակայքից «Արմենիա» բժշկական կենտրոն է դիմել մի քաղաքացի՝ «գլխուղեղի վնասվածք» ախտորոշմամբ։
Ինչպես հայտնում է ֆոտոլրագրող Գագիկ Շամշյանը, Դավիթաշենի համայնքային ոստիկանները պարզել են, որ բուժօգնության դիմած քաղաքացին Երևանի բնակիչ 25-ամյա Արգիշտի Հ.-ն է։
Գ. Շամշյանի տեղեկություններով՝ պարզվել է, որ նույն օրը՝ ժամը 21։30-ի սահմաններում, Արգիշտի Հ.-ն Դավիթաշեն 4-րդ փողոցի 2/5 շենքի բակի ավտոկայանատեղիում իրեն պատկանող «BMW» մակնիշի ավտոմեքենան կայանելու հարցի շուրջ վիճաբանել է անծանոթ երեք անձանց հետ, որոնցից մեկը քարով հարվածել է նրա գլխին՝ պատճառելով մարմնական վնասվածք։ Բացի այդ՝ վնասվել է նաև նրան պատկանող ավտոմեքենայի աջ անվաթևը (կրիլոն)՝ պատճառելով մոտ 250 հազար դրամի նյութական վնաս։
Մանրամասները՝ սկզբնաղբյուրում։
