Զարթոնքի հրաժարական տված համայնքապետ մտադիր է կրկին առաջադրվել սեպտեմբերին կայանալիք ընտրություններին:Այս մասին ArmDay.am-ի հետ զրույցում ասաց նախկին համայնքապետը:
Համայնքապետի խոսքով ՝կրքերը գյուղում հանդարտվել են, բայց կշարունակվեն, թե ոչ չկարողացավ պատասխանել:
Մեր տեղեկություններով՝ Զարթոնք համայնքում, կրքերը չեն հանդարտվել: Գյուղացիներն այս անգամ էլ ստուգումներ են պահանջում իրականացնել գյուղի դպրոցում, որի տնօրենը Պարույր Սարգսյանի դուստրն է:
Այս առիթով նախկին համայնքապեը նշեց, որ իր աղջիկը երբեք հրաժարականի դիմում չի ներկայացնի,քամի որ դպրոցի հետ կապված բողոքներն անհիմն են:
«Մենք բողոքող մարդկանց հետ երեկոյան հանգիստ նստած ենք եղել, առավոտյան ցույց են սկսել, ես չգիտեմ, թե ինչն է եղել պատճառը: Ես այս համայնքում շատ բան ունեմ արած, մենք միշտ հաշտ-համերաշխ ենք ապրել»,-ասաց Պարույր Սարգսյանը:
Նշենք, որ Պարույր Սարգսյանը Զարթոնք համայնքը ղեկավարել է 1996 թվականից:
Ավելի վաղ հայտնել էինք, որ Զարթոնքի նախկին համայնքապետի թոռը, ով կրակել է գյուղացիների վրա, ազատ են արձակել:
