Հյուսիսային պողոտայում գովազդային սև ցուցանակները այլ գույնով փոխարինելու մասին լուրերը չեն համապատասախանում իրականությանը: Այս մասին Armday.am-ի հետ զրույցում ասաց Կենտրոնի թաղապետարանի արտաքին գովազդի բաժնի ղեկավար Կարեն Հովսեփյանը:
«Սրճարանները կամ ցանցկացած տնտեսվարող, ովքեր ունեն գովազդ տեղադրած, գույնի հետ կապ ված խնդիրներ չունեն: Հյուսիսային պողոտայում տեղադրված գովազդների մեծ մասի հետնապատկերը սև գույն է:Գովազդ տեղադրելու հիմնական նախապայմանը հետևյալն է. գովազդը տեղադրելուց առաջ տվյալ տնտեսվարողը պետք է ներկայացնի էսքիզներ, որտե՞ղ, ի՞նչ գույնով, ի՞նչ դիրքով գովազդներ պետք է տեղադրվեն: Վարչական շրջանը մուտքագրելուց հետո դրանք ուղարկում են Երևաի քաղաքապետարան և եթե հաստատվում է, տնտեսվարողը համապատասխան վճարում կատարելուց հետո տեղադրում է գովազդը: Եթե էսքիզները չեն հաստատվում, ուրեմն՝ չի համապատասխանում ընդունված ձևաչափերին և ենթարկվում են փոփոխությունների»,-ասաց նա:
Հացին, թե գույնի հետ կապված արգելքներ կա՞ն,«սև»-երի դեմ արշավ կա Կ.Հովսեփյանը պատասխանեց.
«Գույնի հետ կապված խնդիր երբեք չի եղել, այժմ էլ չկա: Գովազդի ո՛չ հետնապատկերի, ո՛չ տառերի գույնի հետ կապված սահմանափակումներ չկան»:
Ավելի վաղ «Հրապարակ»-ը գրել էր,որ Կենտրոնի թաղապետարանի արտաքին գովազդի բաժնի աշխատակիցներն օրերս այցելել են Հյուսիսային պողոտայում տեղակայված բրենդային խանութներ ու սրճարաններ և տերերից պահանջել վերացնել բոլոր այն ցուցանակները, որոնց հետնապատկերը՝ ֆոնը, սև գույնի է: Հրահանգել են նոր գույն ընտրել, ասենք՝ կարմիր կամ դեղին: Թերթը նշել է, որ Հյուսիսային պողոտայում սև գույնը վերացնելու գաղափարը Երևանի քաղաքապետ Հայկ Մարությանինն է:
