ԱԱԾ-ն նոր ֆեյք էջերի օգտատերերի չի հայտնաբերել: Այս մասին Armday.am-ի հետ զրույցում ասաց ԱԱԾ մամլո խոսնակ Սամսոն Գալստյանը:
Հարցին, թե ֆեյքերին հայտնաբերելու գործընթացը շարունակվո՞ւմ, նոր բացահայտումներ կա՞ն,խոսնակը պատասխանեց.
«Այս պահին նորություն չեմ կարող հայտնել: Նախաքննություն է կատարվում, նոր բացահայտումների մասին ինֆորմացիա չեմ կարող տրամադրել»:
Նշենք, որ ՀՀ վարչապետ Նիկոլ Փաշինյանը ապրիլի 4-ին կառավարության նիստի ժամանակ ԱԱԾ-ին հանձնարարեց հակահարված տալ մանիպուլիացիա անողներին:
Հանձնարարականի հաջորդ օրը Ազգային անվտանգության ծառայությունը հայտնաբերել և ձերբակալել է «Ֆեյսբուք» սոցիալական ցանցում գրանցված «Դուխով Հայաստան, բաց հասարակություն» ֆեյք էջի տակ թաքնված անձին:
Վանեցյանը նշում է, որ ԱԱԾ-ն չի պայքարում «ֆեյքերի» դեմ, այլ այն արարքների, որոնք օրենքով արգելված են։
