Վաղ առավոտից Ավշարի միջնակարգ դպրոցում բողոքի ցույց է տեղի ունենում: Աշակերտներն ու ուսուցչական կազմը դասադուլ և գործադուլ են անում ՝ պահանջելով նորընտիր տնօրեն Հերմինե Անդրեասյանի հրաժարականը։
ArmDay.am-ի հետ զրույցում ակտիվիսնտերը նշեցին, որ չեն պատրաստվում նահանջել, և կշարունակեն բողոքի ցույցերը:
«Գյուղը հավաքվել է դպրոցում և բողոքում է նոր տնօրենի կողմից արվող քայլերի դեմ: Նա դպրոց մտնելուց հինգ րոպե անց կանչել է քառասուն և ավելի տարվա փորձ ունեցող ուսմասվարին և պահանջել ազատման դիմում ներկայացնել, հակառակ դեպքում ՝ այլ քայլեր կձեռնարկի: Նոր տնօրենն ասել է, որ իր մարդն ունի և վաղվանից իր հետ է աշխատելու»,-ասաց ակտիվիստներից մեկը:
Ալինա Մախսուդյանը նշեց, որ հերմինե Անդրեասյանն ու ամուսինը մասնակցել են հեղափոխության ակցիաներին և մարզպետի հետ ինչ-որ բարեկամական կապ ունեն:
Ակտիվիստը Ավշարի դպրոցում ստեղծված իրավիճակի հետ կապված անձնական նամակով և մեկնաբանություններով գրել է մարզետ Գարիկ Սարգսյանին և ԿԳՆ Արայիկ Հարությունյանին, ակայն արձագանք չի ստացել:
Մեր զրուցակիցը հայտնեց, որ Արարատի մարզում արդեն 3-րդ դեպքն է, որ անարդար ճանապարհով տնօրեն է ընտրվում:
Մարզպետարանից ներկայացուցիչներ են այցելել Ավշարի միջնակարգ դպորց, փակ խորհրդակցություն է տեղի ունեցել: