Ես արդեն հոգնել եմ հերքել ԿԸՀ նախագահ լինելու մասին լուրերը: Անդրադառնալով մամուլում տարածված լուրերին՝ ArmDay.am-ի հետ զրույցում ասաց «Իրազեկ քաղաքացիների միավորում» հ/կ նախագահ Դանիել Իոաննիսյանը:
«Գոնե ուրիշ պաշտոն մտածեն, անընդհատ նույն պաշտոնում են ինձ նշանակում: Ինչպես բազմիցս նշել եմ՝ ես ցանկություն ու մտդրություն չունեմ լինել ԿԸՀ նախագահ: Ես ինձ այդ պաշտոնում չեմ տեսնում: Առհասարակ, հաջողված ընտրություններից հետո պատճառ չեմ տեսնում Տիգրան Մուկուչյանի հրաժարականի համար»,-ասաց նա:
Իոաննիսյանը նշեց, որ չի լինի ԿԸՀ նախագահ մի քանի պատճառով. Նրա խոսքով՝ քաղհասարակությամբ շատ կարևոր ֆունկցիա են իրականացնում,որը իշխանությունների վերահսկման ֆունկցիան է, և չի կարելի այն թողնել անտեր:
«Հիմա շատերը գնացին իշխանություն և այս առումով քաղհասարակությունը մի քիչ թուլացավ,լավ մասնագետներ կորցրինք, իհարկե, ես ուրա եմ, որ նրանք զբաղվելու են պետության կառավարմամբ, սակայն քաղհասարակաության համար բավականին թուլացնող երևույթ է դա»,-ասաց նա:
Իոաննիսյան նաև շեշտեց, որ Գործող ԸՕ-ի համաձայն ԿՀԸ ղեկավարը պետք է ունենա բարձրագույն իրավաբանական կրթություն, որն ինքը չունի:
«Ես ֆիզիկոս-մանկավարժ եմ: Թեև ԸՕ-ի այս նորմը նախատեսվում է փոխել, բայց ոչ նրա համար, որ ես դառնամ ԿԸՀ նախագահ: Այն պետք է փոխվի, քանի որ հակասում է Սահամնադրությանը»:
