Ուրցաձորում տեղի ունեցած ՏԻՄ ընտրությունների արդյունքում հաղթել է համայնքի նախկին ղեկավար, անկուսակցական Ռաֆիկ Անդրեասյանը:
Նշենք, որ հոկտեմբերի 10-ին՝ տևական բողոքի ցույցերից հետո, Ռաֆիկ Անդրեասյանը իշխանության և ժողովրդի պահանջով՝ հրաժարական էր տվել:
ArmDay.am-ը համայնքում տիրող հետընտրական տրամադրության և առաջիկա անելիքների մասին զրուցել է Ուրցաձորի վերընտրված համայնքապետ Ռաֆին Անդրեասյանի հետ:
-Պրն. Անդրեասյան, ի՞նչ կասեք այն մարդկանց, ովքեր մեղադրում էին և պահանջում Ձեր հրաժարականը:
-Ես միշտ պատրաստ եմ եղել բաց աշխատելու: Այժմ էլ պատրաստ եմ աջակցել ու կյանքի կոչել ցանկացած կառուցողական առաջարկ: Ես պարտական եմ ինձ ընտրող ժողովրդին:
-Նեղացա՞ծ եք այն մարդկանցից, ովքեր ամեն ինչ արեցին, որ հրաժարական տաք:
-Նրանք, ովքեր անձնական վիրավորանք են հասցրել, պետք է պատասխան տան: Մարդիկ,ովքեր խաբվել են, հավատացել են մի քանի մարդկանց ստերին, մեղավոր չեն: Ամեն բանի պատասխանը տվեցին նախօրեի ընտրություները:
-Նկատի ունեք օրենքի՞ առաջ պատասխան տան, թե՞ անձնական հատուկ դիրքորոշում կունենաք այդ մարդկանց նկատմամբ:
-Այն մարդիկ, ովքեր կազմակերպչներ են եղել և լկտի ստեր են տարածել ժողովրդի մեջ, օրենքի առաջ պատասխան կտան:
-Դուք Ձեր հարցազրույցներում նշել էիք, որ Արարատի մարզպետ Գարիկ Սահակյանին թույլ եք համարում: Նա ևս, Ձեր եր հրաժարականն էր պահանջել: Ինչպիսի՞ն են այժմ ձեր հարաբերությունները, լարվածություն կա՞:
-Թող ոչ ոք չմոռանա, որ սա տեղական ինքնակառավարում է և դրսի միջամտությունը ցանկացած պարագայում ավելորդ եմ համարում, քանի որ ես կատարում եմ այն պահանջները, որը մեր ժողովուրդն է ներկայացնում:
-Այժմ կրքերը համայնքում հանդարտվե՞լ են,թե՞ կան մարդիկ, որ կարծում են, որ այս ընտրություններն արդար չեն անցել:
-Հրաժարականը տվեցինք, ընտրությունն անցավ, կրքերը հանդարտվել են: Մենք աշխատելու ենք սեր ու միություն քարոզել բոլորին: Ես գիտեմ, որ պետական,համայնքային մտածելակերպ ունեցող, մարդը ճիշտ կհասկանա, թե ինչ կատարվեց, ով էր սխալը, կամ ճիշտը և այդ վերջնական պատասխանը երեկ ստացանք, որին չորս ամիս սպասում էինք:
-Համայնքում առաջնահերթ ի՞նչ խնդիրեն կան, որ պետք է լուծել:
-Համայնքում առջնահերտ պետք է ոռոգման ցանցի խնդիրը լուծել: Պետք է լուծվի գազաֆիկացման խնդիրը: Համայնքները խոշորացվել են և Ուրցաձորում գազաֆիկացման խնդիր ունենք:
-Դուք կուսակցական պատկանելություն ունե՞ք, ունեցե՞լ եք:
-Աստված չանի:
-Որերո՞րդ տարին եք ղեկավարում համայնքը:
-Որ չխանգարեին քսան տարի անընդմեջ կառավարելիս կլինեի: Ոչինչ, մի փոքր ընդմիջում եղավ:
