Երևանի Արաբկիր վարչական շրջանի Նաիրի Զարյան 15 շենքի նկուղային հարկում «Ժասմին» գեղեցկության սրահում փետրվարի 1-ին փրկարարները հայտնաբերել են 1958 թվականին ծնված կնոջ դի: Դեպքի հետ կապված մանրամասներ իմանալու նպատակով ArmDay.am-ը կապ հաստատեց ՀՀ քննչական կոմիտեի հետ:
«Կնոջ մարմնի վրա նախնական զննությամբ բռնության հետքեր չեն հայտնաբերվել: Ըստ դատաբժշկի նախնական եզրակացության` կինը մոտ մեկ ամիս գնտվել է այդ սրահում մահացած վիճակում»,- ասաց Նաիրա Հարությունյանը:
Նրա խոսքով՝ 61-ամյա կինը «Ժասմին» գեղեցկության սրահի տնօրենն էր: Գեղեցկության սրահը երկար ժամանակ չի գործել, մահացած կինը միայնակ ապրել է հենց այդ տարածքում:
