Կալանքի տակ գտնվող ԱԺ նախկին պատգամավոր, գեներալ Մանվել Գրիգորյանը շարունակում է պնդել, որ Հայաստանին դատի չի տա: Այս մասին լրագրողերի հետ հանդիպմանն ասաց Գրիորյանի փաստաբան Լևոն Բաղդասարյանը:
Փաստաբանը նշեց, որ չնայած Մանվել Գրիգորյանի նման ցանկությանը՝ իրենք կդիմեն ՄԻԵԴ, քանի որ խոսքը վերաբերում է նրա առողջությանը, ինչը բարձր արժեք է:
«Ցավազարկող դեղերի ազդեցության տակ կարողանում է կալանք կրել, նրա շաքարի մակարդակը 25 է, ինչի պայմաններում նրա վիճակը գնալով վատթարանում է»,-ասաց նա:
Փաստաբանը հայտարարեց, որ ներկայիս իշխանությունների օրոք երկրում ընտրովի արդարադատություն է իրականացվում:
«Պետությունն՝ ի դեմս առաջին դեմքի, որոշակի գործերով դառնում է դահիճ, այսօր ՀՀ-ում փողոցային արդարադատությու է տեղի ունենում: Փողոցում պարտադրեցին, որ Մանվել Գրիգորյանը կրկին կալանավորվի, ինչն անթույլատրելի է: Ժողովրդի բերանը գցեցին խտացրած կաթի, զինվորի պայոկի մեղադրանքը, այդ նենգ, զզվելի արարքների մեջ նրան մեղադրելով՝ նրա նկատմամբ հանրային կարծիք ձևավորեցին»,-ասաց փաստաբանը:
