Առողջապահության նախարարությունը վերարտադրողական առողջության բարելավման նպատակով Հայաստանում անպտղություն ունեցող զույգերի հետազոտման, նաև արտամարմնային բեղմնավորման համար 210 մլն դրամ է հատկացնելու: Այս մասին ասաց ՀՀ առողջապահության նախարար Արսեն Թորոսյանը՝ ամփոփելով 2018 թվականին կատարված աշխատանքները:
«Հակված ենք այդ գումարն ուղղել անպտղության պատճառները պարզելուն, մի մասն էլ` հենց արտամարմնային բեղմնավորման ծառայությունների գնմանը: Նախարարը շեշտեց, որ փորձը ցույց է տալիս` ավելի արդյունավետ է պարզել պատճառը, քան տասնյակ զույգերի համար բեղմնավորում անել»,-ասաց նախարարը:
Նրա խոսքով՝ դեռևս վերջնական որոշում չկա այն առնչությամբ, թե այս գումարն ինչպես է ծախսվելու. դա կորոշվի մոտ ապագայում մի շարք հանդիպումների և քննարկումների անցկացումից հետո:
Հիմնական շեշտադրումն, ավելի շուտ, կկատարվի պետպատվերի շրջանակում հետազոտությունների անցկացման և անպտղության պատճառների հայտնաբերման վրա: Գումարի մի մասը կարող է ուղղվել նաև որոշ զույգերի համար ԱՄԲ ծախսերի վճարմանը:
