Դեկտեմբերի 3-ին, ժամը 13:42-ին «911» ծառայությանն ահազանգ է ստացվել, որ Լոռու մարզի Ահնիձոր գյուղի վերին հատվածում այրվում է կուտակած անասնակեր:
Ինչպես տեղեկացրին ԱԻՆ լրատվական ծառայությունից, դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ գիշերը Ահնիձոր գյուղին հարակից «Ժանդառլու» կոչվող հանդամասում գտնվող անասնագոմում հրդեհ է բռնկվել, որը շարունակում է ծխալ:
Հրդեհը մարվել է ժամը 18:10-ին:
Այրվել են անասնագոմը՝ ամբողջությամբ, ներսում կուտակած անասնակեր (մոտ 30տ), սատկել են 10 խոշոր եղջերավոր անասուն և 1 ավանակ:
Փրկարարներն իրականացրել են քանդման և հովացման աշխատանքներ:
