Սիսիանի «Որոտան» կինոյի տան տարածքում ԲՀԿ առաջնորդ Գագիկ Ծառուկյանը հանդիպեց սիսիանցիների հետ։ ԱԺ արտահերթ ընտրությունների նախընտրական քարոզարշավի շրջանակներում Ծառուկյանը ներկայացրեց ԲՀԿ նախընտրական ծրագիրը և շեշտեց, որ իրենք հավատարիմ են իրենց սկզբունքին և ամեն բան անում են հանուն ժողովրդի բարօրության։
«Ամեն բան պետք է որոշի ժողովուրդը, իսկ մենք պետք է պահենք ու պահպանենք նրանց ժպիտները»,- ասաց Ծառուկյանը։
Նշենք, որ ԲՀԿ ցուցակը գլխավորում է կուսակցության առաջնորդ Գագիկ Ծառուկյանը: ԲՀԿ ցուցակում ընդգրկված է 169 թեկնածու: Առաջին եռյակում են Գագիկ Ծառուկյանը, Միքայել Մելքումյանը, Արթուր Գրիգորյանը: Նրանց հաջորդում են Նաիրա Զոհրաբյանն ու Տիգրան Ուրիխանյանը:
