Նոյեմբերի 8-ին Նորին Սրբություն Հռոմի Պապ Ֆրանցիսկոսն ընդունել է Սուրբ Աթոռում ՀՀ դեսպան Միքայել Մինասյանին՝ դիվանագիտական առաքելության ավարտի կապակցությամբ: Այս մասին հայտնում են ՀՀ ԱԳՆ-ից:
Հանդիպմանը Նորին Սրբությունն անդրադարձել է դեսպան Մինասյանի պաշտոնավարման տարիներին հայ-վատիկանյան հարաբերությունների առավել ընդլայնմանն ուղղված բեղմնավոր գործունեությանը:
Դեսպան Մինասյանը շնորհակալություն է հայտնել դիվանագիտական առաքելության ընթացքում Սուրբ Աթոռի դրսևորած արդյունավետության, ինչպես նաև Ֆրանցիսկոս Պապի կողմից Հայաստանի Հանրապետության և հայ ժողովրդի հանդեպ ցուցաբերած աջակցության և ջերմության համար:
Դեսպան Մինասյանը Ն.Ս. Ֆրանցիսկոսին նվիրել է Սուրբ Աթոռում ՀՀ դեսպանության կողմից նախաձեռնած հայ-վատիկանյան դիվանագիտական հարաբերությունների պատմությանը նվիրված գիրքը:
Միքայել Մինասյանը, անդրադառնալով Սրբազան Քաhանայապետի հետ հրաժեշտի հանդիպմանը, ֆեյսբուքյան իր էջում գրել է.
«Երեկ՝ որպես պաշտոնաթող դեսպան, հրաժեշտ տվեցի Հռոմի Սրբազան Քաhանայապետին: Նայելով Ֆրանցիսկոսի աչքերին՝ դժվար էր արտաբերել, թե ինչ եմ զգում ես իրենից ճառագող արդարության, հիշողության և ուժի ներքո: Պապին փոխանցեցի մեր բոլորի սերն ու երախտագիտությունը:
Շնորհակալ եմ Ձեզ, Սրբազա՛ն Քահանայապետ, որպես հայ, որպես Հայաստանի Հանրապետության քաղաքացի և պարզապես որպես մարդ, ում Դուք ընդունեցիք և սիրեցիք:
Միշտ կլինեք բոլորիս աղոթքներում»:
Միքայել Մինասյանը հանդիպել է Նորին Սրբություն Ֆրանցիսկոս Պապի հետ
Լրահոս
Սեպտեմբերի 1-ից դպրոցներում դասերը կսկսվեն ժամը 08:15-ին
28
Օգոստոս,
2025 21:37
Վերջին 4 տարում Պոլիտեխնիկում արդեն երրորդ անգամ էական աշխատավարձի բարձրացում. Գոռ Վարդանյան
28
Օգոստոս,
2025 21:15
Փաշինյանն այսօր շատ անկեղծ ասաց՝ իր համար գոյություն չունի օրենք և իրավունք․ Րաֆֆի Ասլանյան
28
Օգոստոս,
2025 20:33
Փաստաբան Րաֆֆի Ասլանյանը Նիկոլ Փաշինյանի այսօրվա աղմկահարույց հայտարարությանն է անդրադարձել։ «Ինք ...
