Էջմիածնում ընթանում են համայնքապետի ընտրությունները, որոնց շրջանակներում իր քաղաքացիական պարտքը հանձնեց նաև «Իմ քայլը» դաշինքի համայնքապետի թեկնածու Դիանա Գասպարյանը։ Ընտրատեղամասում լրագրողների հետ հանդիպման ժամանակ համայնքապետի թեկնածուն նշեց, որ սա կարող է լինել պատմական օր, եթե ինքը այսօր հաղթի, քանի որ Հայաստանի պատմության մեջ առաջին անգամ կընտրվի կին քաղաքապետ։
Պատասխանելով Armday.am-ի այն հարցին, թե Էջմիածնում հակահեղափոխականներ կա՞ն, Գասպարյանն ասաց, որ իրենց քաղաքում քաղաքական կամ բովանդակային առումով հակահեղափոխականներ չկան, և այնտեղ ավելի շատ անձերի պայքար է։
Մանրամասները՝ տեսանյութում
