Չնայած իշխանափոխությունից հետո երկրում շատ բան է փոխվել ու մի շարք պետական հաստատություններում, ինչպես ընդունված է անվանել, իրավիճակ է փոխվել, սակայն հեղափոխության շունչը Բժշկական համալսարանի տարածք դեռևս մուտք չի գործել:
Armday.am-ի տեղեկություններով ՝ համալսարանում շարունակում են մնալ արտոնյալ ուսանողներ, ովքեր ամեն օր համալսարանի տարածք են մուտք գործում մեքենաներով, իսկ թույլտվություններ տալու մենաշնորհը պատկանում է ռեկտոր Արմեն Մուրադյանին:
Համալսարանում արտոնյալ կարգավիճակում են հայտնվել որոշ օլիգարխ պատգամավորների երեխաներ, իսկ Մուրադյանը, անձնական շահագրգռվածությունից դրդված նրանց մեքենաներով մուտքը համալսարանի տարածք արտոնում է:
Ահազանգի հետ կապված մեկնաբանություն ստացանք նաև Բժշկական համալսարանից:
«Համալսարանի կանոնակարգի համաձայն՝ համասլարանի տարածք մուտ գործելու իրավունք ունեն միայն աշխատակիցների ավտոմեքենաները, որոնց պետհամարանիշները գրանցված են անվտանգության աշխատակիցների կողմից: Մենք հետևողական ենք լինում լրատվամիջոցներին ահազանգերին և խստացնում ենք վերահսկողությունը»,-ասաց Բժշկական համալսարանի աշխատակազմի ղեկավար Շուշանիկ Դանիելյանը:
Մեր այն հարցին, թե հնարվո՞ր է ուսանողի ավտոմեքենան գրանցած լինի աշխատակցի անվան տակ, Շուշանիկ Դանիլեյանը բացառեց:
Աշխատակազմի ղեկավարը նշեց, որ ապացույցների դեպքում՝ պատրաստ են խիստ նկատողություն անել այն աշխատակիցներին՝ովքեր խախտել են օրենքը:
Նշենք, որ Արմեն Մուրադյանը Սամվել Մայրապետյանի և Արմեն Գևորգյանի մտերիմ ընկերն է, Ռոբերտ Քոչարյանի երեխաների քավորը:
