Մարդու իրավունքների պաշտպանի աշխատակազմն իրականացնում է Երեւանում եւ Հայաստանի մի շարք մարզերում տեղի ունեցող հավաքների դիտարկում:
ՄԻՊ-ի տարածած հաղորդագրության մեջ ասվում է.
«Այս պահին հավաքների բոլոր մասնակիցներին խնդրում եմ ցուցաբերել առավելագույն հանդուրժողականություն ու զսպվածություն, ցանկացած իրավիճակում զերծ մնալ որեւէ տեսակի բռնությունից:
Ըստ իրադարձությունների ու դրանց դիտարկման ընթացքի՝ Մարդու իրավունքներրի պաշտպանը հանդես կգա անհրաժեշտ հայտարարություններով:
Բոլոր հարցերը պետք է լուծվեն իրավունքի գերակայության հիման վրա»:
