Սեպտեմբերի 14-ին տեղի է ունեցել Մայր Աթոռ Սուրբ Էջմիածնի ճարտարապետական խորհրդի նիստ, որտեղ քննարկվել է Մայր տաճարի ամրակայման և հիմնանորոգության աշխատանքների ընթացքը։ Այս մասին տեղեկացանք Ամենայն Հայոց Կաթողիկոսի ֆեյսբուքյան էջից:
Խորհուրդը մասնավոր քննության առել Մայր Տաճարի ներքին կոնստրուկցիաների ամրացումների ընթացքում առաջացած խնդիրների լուծումների, հարավային զանգակատան հետազոտական աշխատանքների արդյունքների հիման վրա հենարանային մասի կոնստրուկցիաների ամրացումների և արևելյան զանգակատան կոնստրուկտիվ համակարգի վերականգնման առաջարկությունները:
