Հայաստանի այս իրավիճակում չէր կարելի ներմուծման գները բարձրացնել, կառավարության շենքի դիմաց հայտարարեց «Համերաշխություն» ՀԿ նախագահ Արմեն Ներսիսյանը, ով միացել է կառավարության դիմաց բողոքի ակցիա անող առևտրականներին:
Նա ընդգծեց, որ երկու ամիս առաջ նամակ է ուղղել Փաշինյանին՝ ներկայացնելով ծրագիր՝ ուղղված ՓՄՁ-պետություն շահերը պաշտպանելուն:
«Ամեն ինչ գրագետ գրված էր՝ ինչպես անել, որ նրանց վիճակը լավանա, բայց մինչև այսօր պատասխան չկա», - նշեց նա:
Ներսիսյանն ասաց, որ այսօր մինչև ժամը 16:00-ը պատրաստվում են բողոքի ակցիա անել և կոչ արեց բոլոր տոնավաճառների աշխատակիցներին, փոքր և միջին արտադրողներին միանալ իրենց խաղաղ բողոքի ակցիային:
«Մենք խելոք կկանգնենք մինչև պարոն Փաշինյանի հետ հանդիպենք: Մեր նպատակը դա է: Նախկին կառավարության խոսալաձևի և արհամարհական վերաբերմունքի համար պատրաստ էինք վիճաբանության գնալ, բայց քանի որ պարոն Փաշինյանն է, մենք էլ այս հեղափոխությանը մասնակից ենք եղել, հանգիստ կանգնելու ենք ու խնդրելու, որ այս գները վերանայեն», - նշեց նա:
