Ֆրանսիացի լողորդ Բենուա Լեկոմտն սկսել է լողահերթը Խաղաղ օվկիանոսով, որի շրջանակում նախատեսում է կտրել-անցնել Խաղաղօվկիանոսյան մեծ աղբաբիծը, հայտնում է AFP-ն:
Մարզիկը լողալ սկսել է հունիսի 5-ին, Ճապոնիայի Տեսի քաղաքից: Նրա նպատակն է վերջնակետին հասնել Սան Ֆրանցիսկոյում, որը գտնվում է ութ հազար կիլոմետր հեռավորության վրա:
Լեկոմտը օրական լողալու է 8 ժամ՝ անցնելով ամբողջ ճանապարհը 180 օրում: Եթե նրան հաջողվի իրականացնել մտադրությունը, ապա նա կդառնա պատմության մեջ առաջին մարդը, ով լողալով անցել է Խաղաղ օվկիանոսը:
Լողալու ընթացքում Լեկոմտին կուղեկցի մարզանավով խումբը: Իր ակցիայով ֆրանսիացին ցանկանում է ուշադրություն հրավիրել օվկիանոսների աղտոտման հիմնախնդրի վրա:
