Արգենտինայի հավաքականի հարձակվող Լիոնել Մեսսին որոշել է հեռանալ միջազգային ֆուտբոլից։ Նա լուրը հայտնել է իր սոցցանցերի էջերում։
«Աշխարհի առաջնության եզրափակիչից հետո որոշ ժամանակ է անցել։ Ես շատ եմ մտածել դրա մասին, և հիմա ուզում եմ բոլորին ասել, որ հեռանում եմ ազգային հավաքականից։ Այս որոշումը ցավոտ է եղել, բայց ես հասկանում եմ, որ ժամանակը եկել է։
Ես իմ ամբողջ ուժը տվել եմ, և այլևս ոչինչ չունեմ տալու։ Բացի այդ, մեծանում է շատ ուժեղ երիտասարդ սերունդ, որը արժանի է տեղ ունենալ ազգային հավաքականում։
Շնորհակալ եմ իմ ընտանիքին միշտ իմ կողքին լինելու, այս գեղեցիկ, բայց դժվարին ճանապարհին ինձ ուղեկցելու համար: Շնորհակալ եմ մարզիչներից, թիմակիցներից և ղեկավարներից յուրաքանչյուրին, ում հետ ես հնարավորություն եմ ունեցել աշխատելու։
Ես հեռանում եմ խաղաղությամբ և հպարտությամբ այն փաստից, որ թիմակիցներիս հետ միասին ես ձեզ պարգևեցի պահեր, որոնց մասին կարող էիք միայն երազել: Խելագարություն էր այս ամենը ձեզ հետ ապրելը: Ես սիրում եմ ձեզ: Առաջ, Արգենտինա», - ասել է Մեսսին իր հայտարարության մեջ։
Արգենտինայի հավաքականի կազմում անցկացրած 207 խաղում Մեսսին խփել է 125 գոլ։ 2022 թվականին նա հավաքականի հետ դարձել է աշխարհի չեմպիոն, իսկ 4 տարի անց դուրս է եկել աշխարհի առաջնության եզրափակիչ։
