Պաշտպանության նախկին նախարար Արշակ Կարապետյանն անդրադարձել է ժամկետային զինծառայության ժամկետը կրճատելու մասին որոշմանը։
Ըստ նրա՝ ծառայության ժամկետը կարելի է կրճատել և դարձնել նույնիսկ մեկ տարի, բայց դա պետք է լինի հիմնավորված։
«Բանակից հեռու պատահական երկու մարդ, ելնելով ներքաղաքական լարված վիճակից, ոտքի վրա որոշեցին՝ ոչ թե հունիսից, այլ հունվարից կրճատել ծառայության ժամկետը։ Սա խոսում է նրա մասին, որ սրանք չունեն ո՛չ պետության, ո՛չ էլ բանակի զարգացման հիմնավորված ծրագիր։
Դավաճանությունը դարձրել են բարեփոխում․
նահանջը՝ քաղաքականություն,
կապիտուլյացիան՝ ապագա,
սա է երկրի հակառակ կողմը։
Հ․Գ․ Չեմ բացառում, որ ընտրությունների նախաշեմին ծառայության ժամկետը դարձնեն վեց ամիս՝ սեփական աթոռից չընկնելու համար։ Սրանք մենակ թուրքի ծրագրերն են լավ կատարում»,- հայտարարել է Կարապետյանը։
