Օրինախախտները կարող են Փաշինյանի մուրճը դաջել իրենց մարմնի մի հատվածին, որ վախի մթնոլորտը հանկարծ իրենցից չպակասի. Ալեքսանյան (Տեսանյութ)

Բոլոր օրինախախտները պետք է ապրեն, պետք է քնեն ու պետք է արթնանան վախի մթնոլորտում, այս մասին լրագրողների հետ զրույցում ասաց ԱԺ «Քաղաքացիական պայմանագիր» խմբակցության անդամ Վահագն Ալեքսանյանը՝ արձագանքելով դիտարկմանը, թե ինչու էր Փաշինյանը դարձյալ հիշել իր մուրճը և լուսանկար հրապարակել։

«Բոլոր օրինախախտները մշտապես պետք է ապրեն վախի մթնոլորտում։ Բոլոր այն մարդիկ, ովքեր գործում են մեր պետականության դեմ, մշտապես պետք է ապրեն, պետք է քնեն ու պետք է արթնանան վախի մթնոլորտում։ Ու որպեսզի այդ մթնոլորտը նրանց համար ամբողջական լինի, կարող են այդ մուրճն իրենց մարմնի մի հատվածին դաջել, որ այդ մթնոլորտը հանկարծ իրենցից չպակասի»,-ասաց Ալեքսանյանը։