Կատալոնական «Բարսելոնան» վերջապես կարողացել է համաձայնության գալ Դորտմունդի «Բորուսիայի» հետ ֆրանսիացի հարձակվող Ուսման Դեմբելեի հարցում:
Քիչ առաջ «կապտանռնագույնները» պաշտոնապես հայտարարեցին Դեմբելեի հետ պայմանագիր կնքելու մասին:
«Բարսելոնան» հարձակվողի տրանսֆերի դիմաց «մեղուներին» կվճարի 105 մլն եվրո և հավելավճարներ: Ֆուտբոլիստը «Բարսելոնայի» հետ 5-ամյա պայմանագիր է կնքել:
Ըստ նոր պայմանագրի` Դեմբելեի հրաժարագինը կազմել է 400 մլն եվրո: Ֆրանսիացու շնորհանդեսը կկայանա երկուշաբթի:
