Արցախի Հանրապետության Անվտանգության խորհրդի նախկին քարտուղար Սամվել Բաբայանի հնչեցրած հայտարարությունների ու հաղորդման հիման վրա քրեական գործ է հարուցվել, այս մասին Aysor.am-ին ասացին ՀՀ գլխավոր դատախազությունից։
Վարույթը նախաձեռնվել է երկու հոդվածներով՝ Քրեական օրենսգրքի 550 հոդվածով՝ «Զինվորական պաշտոնեական անփութությունը», որը սահմանում է՝ ռազմական դրության, պատերազմի ժամանակ կամ մարտի պարագաներում հրամանատարի կամ պաշտոնատար անձի կողմից իր ծառայողական պարտականությունների կատարման նկատմամբ անբարեխիղճ կամ անփույթ վերաբերմունքի հետևանքով դրանք չկատարելը կամ ոչ պատշաճ կատարելը, ինչպես նաև Քրեական օրենսգրքի 550 հոդվածով՝ «Մարտ վարելու միջոցները հակառակորդին հանձնելը կամ թողնելը», որը սահմանում է՝ առանց մարտի հանգամանքներով հարկադրված լինելու հրամանատարի (պետի) կողմից ամրությունը, մարտական տեխնիկան կամ մարտ վարելու այլ միջոցը հակառակորդին հանձնելը կամ թողնելը։
Դատախազությունցի փոխանցեցին, որ գործով մեղադրյալներ այս պահի դրությամբ չկան:
Սամվել Բաբայանը, հիշեցնենք, Հանրային հեռուստաընկերության եթերում հայտարարել էր, թե նախկին ու ներկայիս ղեկավարներն են հանձնել Արցախը։
Նա կոչ էր արել Դատախազությանը իր ասածներն ընդունել հայտարարություն հանցագործության մասին և քրեական գործ հարուցել։
