Անգլիական «Լիվերպուլի» գլխավոր մարզիչ Յուրգեն Կլոպը կարծիք է հայտնել, որ Նեյմարի տեղափոխությունը ՊՍԺ մեծ ազդեցություն կթողնի ֆուտբոլում: Ըստ գերմանացի մասնագետի` այժմ ամեն ինչ հնարավոր է դարձել:
«Նախկինում անհնար էր գնել թիմի առաջատար ֆուտբոլիստի տրանսֆերը: Այժմ Մեսսիի տեղափոխությունն այլ ակումբ ավելի հավանական է դարձել:
Անցյալում դա պարզապես անհնար կթվար: «Բարսելոնան» Մեսսիի հրաժարագինը հենց այնպես է կազմել` չկարծելով, որ հետագայում կհայտնվի ինչ-որ մեկը և կվճարի այդ գումարը»,- գերմանացի մասնագետի խոսքն է մեջբերում «Goal»-ը` հղում անելով «DAZN»-ին:
Հիշեցնենք, որ Մեսսիի հրաժարագինը կազմում է 300 մլն եվրո:
