Հիշու՞մ եք Ջեյմս Քեմերոնի «Ավատարը» eu «Ավայի հմայող կյանքի ծառը»: Իսկ ինչպե՞ս կարող ես ապրել Կենաց ծառի ներսում՝ չլքելով քո գեղեցիկ մոլորակը:
Եվրոպական անշարժ գույքի մշակող R.evolution-ը հավակնոտ երազանքն իրականություն է դարձնում Eywa-ի հետ, որն ԱՄԷ-ում առաջին բնակելի նախագիծն է:
Բնակելի համալիրը կդառնա շքեղ ապրելակերպի նոր վայր։ Գտնվելով Դուբայի ջրանցքի ափին, ջրի հիասքանչ տեսարաններով, Դուբայի կենտրոնում եւ Բուրջ Խալիֆային մոտ, Eywa-ն հպարտանում է 48՝ երկու-հինգ սենյականոց առափնյա բնակատեղիներով, որոնց մակերեսը տատանվում է 280-ից մինչեւ 1510 քմ:
Ծրագրի ամենաուշագրավ կողմը դրա կառուցվածքն է, որը ոգեշնչված է ոչ միայն սուրբ բանյան ծառից, այլեւ խորհրդանշական Ավատար-Հալելույա լեռից, որը գտնվում է Չինաստանի Հունան նահանգի Չժանցզյաժիե ազգային անտառային պարկում:
Մշակողն ասում է, որ Eywa-ն հիմնված է «վայրի շքեղության» վրա, ներառյալ դիզայնի տարրերը, ինչպիսիք են խոհարարի սեղանը, գրադարանը եւ մասնավոր ջրվեժները:
«Կենտրոնանալով եզակի, իսկապես շքեղ փորձի վրա՝ մենք պարզապես չենք կառուցում քառակուսի տարածք. մենք ստեղծում ենք բարձր մրցակցային, իր տեսակի մեջ եզակի հարմարություններ, եւ Eywa-ն մեր փիլիսոփայության վառ օրինակն է»,-նշել է R.evolution-ի նախագահ եւ գործադիր տնօրեն Ալեքս Զագրեբելնին:
Դուբայի տպավորիչ աշտարակը շրջապատված կլինի ռեստորաններով եւ խանութներով․ այն նախատեսվում է բացել 2026 թվականին:
