Ցավալի է, որ այս համերգում Արամ Խաչատրյանի «Սպարտակ»-ի երաժշտությունն է հնչելու, այն օգտագործվում է այն ժամանակ, երբ Եռաբլուրում պարկած մեր տղաներն իրենք չեն կարող աղաղակել այս անարդարության մասին: Այս մասին լրագրողների հետ զրույցում ասաց քաղաքացի Ալլա Հակոբյանը, որը եկել էր կառավարության դիմաց՝ իր աջակցությունը հայտնելու սեպտեմբերի 21-ին կայանալիք տոնական միջոցառումների անցկացման դեմ իրենց բողոքն արտահայտող քաղաքացիներին, որոնք զավակներ ու հարազատներ են կորցրել Արցախյան 44-օրյա պատերազմում:
«Կատարվածը գերագույն անաստվածությունը, ուշ թե շուտ բոլոր մեղավորները պատժվելու են: Այդ ո՞նց ստացվեց, որ ամբողջ աշխարհում ֆորսմաժորային խնդիրների պատճառով Օլիմպիական խաղերը նախորդ տարի հետաձգեցին ու այս տարի անցկացրեցին, բայց մեզ մոտ էլ է նման իրավիճակ, ի՞նչ պարտադիր էր այս միջոցառումը կազմակերպել, երբ դեռ չգտնված, չթաղված կամ սառնարաններում գտնվող դիեր կան, երբ գերիներ ունենք չվերադարձած, դրանից ավելի մե՞ծ ֆորսմաժոր պետք է լիներ, էլ չեմ ասում, որ Արցախ աշխարհի հողերի մեծ մասը տվեցին, հիմա հերթը Սյունիքինն է հասել: Հայ ժողովուրդ, կարծում եմ՝ շատերդ տանը նստած ցավում եք սրա համար, բայց պետք է սա հետաձգվեր, էլ չասեմ, որ Անկախության օրվա նշանի վրա 30 թիվը նորմալ չի էլ երևում, այլ իրենց քանդած երեք տարվա 3-ը»,- նկատեց քաղաքացին:
