«Պատիվ ունեմ» դաշինքի թեկնածուները Տարոն Մարգարյանի գլխավորությամբ նախընտրական հանդիպումներ են ունեցել՝ այս անգամ Դավթաշեն վարչական շրջանի համախոհների և բնակիչների հետ:
Թեկնածուները շրջել են բակային տարածքներով, տեղում զրուցել բնակիչների հետ, հետաքրքրվել վարչական շրջանի խնդիրներից, պատասխանել նրանց հուզող հարցերին։
Տարոն Մարգարյանը նշել է, որ հունիսի 20-ը հնարավորություն է կանգնեցնելու ամենը, ինչ կատարվում է երկրում. «Թուրքը վաղը կգա կհասնի մեր թաղամաս, մեր բան, նոր մտածենք ո՞նց եկան հասան էստեղ։ Մեր պապերի երազած Հայաստանը աչքներիս դեմը գնում է, կորցնում ենք։ Այս ամենին պետք է վերջ տանք»։
Քարոզարշավի ընթացքում Երևանի նախկին քաղաքապետ Տարոն Մարգարյանին բնակիչներն ընդունել են ջերմությամբ, անմիջական և մտերմիկ զրույցի ընթացքում կիսվել իրենց մտահոգություններով։
«Չի կարելի սենց երկիր պահել։ Ոնց կարելի է մասսայական նման արտահայտություններ անել՝ ժողովրդին վիրավորես։ Միակ թոռս զոհվեց պատերազմում՝ ինչի՞ համար՝ հանուն էս անասունի՞»,- ասաց քաղաքացիներից մեկը։