Նիկոլ Փաշինյանը Արարատի մարզի Մասիս քաղաքում քարոզարշավի ժամանակ վստահեցրեց, որ այսօր գործարարության համար ստեղծված են բոլոր հնարավոր պայմանները և Հայաստանում գործարարի միակ խնդիրը հարկ վճարելն է և այլևս դառնում է անձեռնամխելի.
«Հիշում եք՝ ճամպրուկներով դեպի կառավարական տներ փող տանելու մասին հայտարարություն էի արել: Ինձ ասում էին՝ որտեղի՞ց այդպիսի ինֆորմացիա: Շատ քրեական գործեր կան, որոնք վկայում էին այդ մասին, նախկին օլիգարխներ դրա մասին ցուցմունք են տվել, նրանցից մեկը մահացավ, հույս ունենք՝ հիվանդության պատճառով, ոչ թե՝ միջամտությունների, բայց այդ ամենը պետք է հետաքննվի»,-ասաց Նիկոլ Փաշինյանը:
